Page 301 - Antologia_2017

HUBERT MATIÚWÀA

III
Niwachíjm’bi rigiin
e’ne tsá’khán rí driga ná jambaa,
ído kuanijngaa tsílúun gída’ ná agoo ixe,
nawá’iin drigiin inuu i’diúun,
ído ni’kha rato’oo rí ngamí ná etso tsúdúun
asndó ne’ne nè rí nithata’ mijnée.
Ndu’ niwatrámii
xó natrámaa duun inuu júba
rí nanda’aa ru’wa inuu ru’phu,
froo ni’kha rato’oo
giñá wajen ná xuwiúun,
nikra’o minaa’ ne ná awúun xáñúu,
na’tsuu ro’oo ngíná nímíi numúú ijíin
tsí niguanúú ná gu’wáá.

301