Page 273 - Antologia_2017
P. 273
MARTÍN TONALMEYOTL
Tlapayajtotomej se
Kimixmantiliaj tepemej inka inmastlakapaltsitsiuan
Patlanej kekelojtiuej ipeyoyotsin Tlanakastlan
Tsajtsej chikauak iuan oksekimej inkuikaltsin tlapayajtotomej
nomiyakiliaj ne ipan tlajko atlajtle Tepilaj
Ikuitlapantsin on totomej kapostikej
uajlo ajakatsintle kuajuasti tlaltsintle
Kualtsin kinauatsiaj xopanko
ika ajakatsintle uan noyolitsia ne tlatlajko sinyoj
Nokaua sa se okualkanajuaxtsintle
uan popoliue ikuatipan okokojtin
273
