Page 277 - Antologia_2017
P. 277
MARTÍN TONALMEYOTL
Tlapayajtotomej yeye
Yejko ajakatsintle uajtlamapipichojti
uajnokuikatijti ken tlapayajtototl
Kinpetlasombrero kixtsia on kokonej
Yajuamej youej konamikej kinajnapalouaj
niman kinmakauiliaj impapalouan
uan patlanej iuan totomej uan mastlakapalpijpitsajkej
Ipan kojtsitsintin nese kenejke ajakatsintle
kuajle kitsejtselouaj nejmayankayotl
Ipan tlajle uaxinej tlatoktsitsintin uan xkinekej palaniskej
yajua kuajle kinselia ika itlakayotsin sa kuechauak
kampa oksejpa ueliskej tojtoponiskej
kitlaposkej tlaltsintle ika ome inmatsitsiuan
277
