Page 258 - Antologia FONCA 2017_sp

Táankelen Maaya aj ts’íibo’ob, u muuk’ yéetel u
yalab óolal maaya t’aano’ob
(maya)

Yáaxe’ in k’áat in ts’aa u nib óolalil ti’ Fonca ikil u ts’aik ten u
páajtalil u ka’ ilikibáa yéetel óoxtúul táankelemo’ob jach u beet-
maj u mokt’aanil u beetiko’ob ba’alo’ob tu yo’olal u kaajalo’ob
yéetel u miatsilo’ob. Tu ooxtúulao’obe’ chika’an yaan u k’uchu­
lo’ob tak náachil yéetel le meyaj ku beetiko’oba’, ti’ u ts’ok óox-
téen ikil u ts’a’abal le áantaj ti’obo’ táan u tukultik u beetiko’ob
meyajo’ob yaan ba’ax u yil tu yo’olal bix u tuukul maaya kaaj, tu
yo’olal lelo’, bejla’e’ yaan to’on u páajtalil k k’ajóoltik junp’íit
tu yo’olal bix u tuukul k úuchbeb ch’ilabkabilo’ob, tuukulo’ob u
p’atmajo’ob ti’ to’on tak ti’ le k’iino’oba’. Kex wáa jaaj tu óox­
túlalo’ob jatsa’ano’ob tumeen le lu’um tu’ux kaja’ano’obo’, ba’ax
jach much’kíintiko’obe’ leti’ u maaya miatsilo’obo’, yéetel junp’­
éelili’ tu’ux u taal le másewáal t’aan ku beetiko’obo’. Ichil le óox-
túl táankelemo’oba’, ka’túule’ táan u táakbesiko’ob meyajo’ob ichil
ik’ilt’aan: Adriana López yéetel Isac Esau Carrillo Can: maya
tzeltal yéetel maya yucateco je bix xan Gener Chan, máax táan
u táakbesik u meyaj ichil le tsikbaalo’. Adrianae’ tu táakbesaj u
ts’íibil u beetik lajun tu ka’k’aal ik’ilt’aano’ob tu yo’olal le
jo’oti’itsil yan yóok’olkaabo’. Ichil le je’elo’oba’ jach kájóolta’an
kamp’éeli’: xaman, nojol, lak’in yéetel chik’in, ba’ale’, tak le yan
chúumuko’ ku xook. Ku tukulta’ale’ ti’ le ti’itsilo’oba’ yaan junp’­
éel x ya’axche’ yaan junp’éel u boonolili’: le yan xamano sak, le
nojolo’ k’ank’an, le lak’ino’ chak, le chik’ino’ boox je tuun le yan
chúumuko’ ya’ax, ku tukuta’ale’ le che’ je’ela’ leti’ nupik le
bolontik’uj yéetel le lu’uma’, bey xan yéetel le bolontikujo’. Ichil
le meyajo’ob ku ts’aik k’ajooltbilo’. Adrianae’ táan u ts’aik k’ajó­

259