Page 268 - Antologia FONCA 2017_sp

ISAAC ESAU CARRILLO CAN

kunal iik’,

kunal ko’ taankasil,

kunal siits’il,

u’uy a wu’uy in payalchi’t’aan,

in ko’oko’t’aan,

in t’ant’anpool,

ka taak tu juunal tak weye’,

ka u síiten u máatan,

u wíinkilal,

u yáakam,

u payalchi’,

u k’aay,

u kala’anil.

Mot’okbalen in p’éep’ in yaanyam

Kili’ich Kunal Ajaw,

ta’ak tu yáanal u bo’oy a k’ab,

tu yáanal u bo’oy a xikin,

tu yáanal u bo’oy a waak’,

u’uy a wu’uy in t’aan,

in xmukul t’aan,

in ki’iki’ t’aan,

in wok’ol t’aan,

ka suunak k’amasil, utia’al u beetik u muul tu chuun in nak’,

ka suunak jubulil utia’al u jolik in i’inajil,

ka suunak ik’el kaab

utia’al u jobonkíintik in k’aan,

tu’ux ka yáalak u t’áat’ayal sak kaab.

269