Page 267 - Antologia FONCA 2017_sp

LENGUAS INDÍGENAS

Pulyaaj utia’al u yu’ulabta’al in puksi’ik’al

Yuum Kuum Ajaw, u yuumilech kunal t’aan,

kin k’áat óoltik a wáantaj,

kin yaanyantik a wáantaj,

kin ts’íiboltik mina’an u xuul a wáantaj,

kin k’ubik tech in t’aan,

u juum in t’aan,

kin bankúuntik ta táan in yaanyan,

beeyxan le ba’alo’ob kin líik’sik ti’e’:

junkúul u máatsab,

utia’al ma’ u paktik yaanal máak,

u yoochel u yook,

utia’al u kanik taal tin wotoch,

u juum u yáakam,

utia’al u kaxtik in sayabil,

u book u tikinil u kool,

utia’al u ch’a’acháaktik in ko’ taankasil,

tsa’ays chokwil ti’,

u k’áak’il chokwil,

u k’áak’il wíinkilal,

u k’áak’il k’atun,

ka u kaxant tu k’áanche’il in wotoch le síis óol k’a’abéet ti’e’,

ka taak tu juunal u sit’sit’aankil tak weye’,

way kin páa’tik yéetel in yaanyame’,

jaajap u chi’ in k’aan ichil u wi’ijil.

Yuum Kunal Ajaw,

kunal kéej,

kunal ch’íich’,

kunal kaan,

kunal paakat,

kunal ch’eneknakil,

268