Page 266 - Antologia FONCA 2017_sp

ISAAC ESAU CARRILLO CAN

Aj puulyaajen,
Aj báalam t’aanen,
Aj sayanen,
Aj ts’utaanen,
Aj kunyaajen,
Aj eesen,
Aj iitsen,
Aj wáayen,
mix bik’in bíin in k’u’ult k’i’ik’lemak yuumtsilo’ob
bey tumeen in k’ajóol máax chink’esik u chúujil le cháako’,
mix bik’in bíin in pakt xaman tu ka’analil in wooj
bey tumeen in wojel tu’ux ku tíip’il k’iino’,
mix bik’in bíin in tsol u k’iinil in kuxtal chéen ti’ jump’éel u

pach’a’
bey tumeen in wojel ku su’uylemaktal le ja’abo’obo’, le ts’o’ok u

bino’obo’,
le yano’obo’, le ku taalo’obo’.
Ajsom puulen,
Aj puulyaajen,
Aj báalam t’aanen,

Aj eesen,
Aaj iitsen,
Aj wáayen.

267