Page 265 - Antologia FONCA 2017_sp

LENGUAS INDÍGENAS

U jaajil k’aaba’

Aj som puulen,
Aj puulyaajen,
Aj báalam t’aanen,
Aj sayanen,
Aj ts’utaanen,
Aj kunyaajen,
Aj eesen,
Aj iitsen,
Aj wáayen.
Mix bik’in bíin in k’ajóolt tin wíinkilal le t’aan “Sujuyil”
bey tumeen ku yaanyanta’al oochelo’ob tumeen in woot’elo’,
mix bik’in kun kajtal le t’aan “k’eban” tu ts’u’ in xikin
bey tumeen kin potik utia’al in lechik in tuupo’,
mix bik’in bíin in k’ajóolt sublakil,
bey tumeen chéen k’u’uk’melo’ob in búuk

yéetel u yich che’ob in ujilo’,
mix bik’in bíin in wu’uy saajkil
bey tumeen in k’ajóol u jaajil in k’aaba’o’.
¡Xeen!, ¡Xeen!, ¡xeen!
¡Tíitabáaj!
(in) kastlan k’aaba’,
tsotsok luk’ta’ak a wich utia’al a sa’atal ten,
chi’ibik a wáalkab tumeen u peek’ilo’ob tomoj chi’,
ts’o’ok in kaxtik in túumben k’aaba’ tu’ux mu’uk in tuuch,
tu chuun u ch’e’enil le náayo’ob ku búukintiko’ob u bala’an nook’il

wayak’o’,
ts’o’ok in kaxtik u jaajil in k’ooj,
mix chéen tu che’eji’, mix chéen tu yok’oli’,
mix chéen k’aasi’, mix chéen utsi’,
Aj som puulen,

266