Page 280 - Antologia FONCA 2017_sp

GENER CHAN

Yum Káandile’ tu yilaj tu paachil u yotoch wíinike’ ti’ yaan
jump’éel u mayakche’il t’alkunaji’, luucho’obe’ tselekbal, chéen u
xiixel sakab tija’an ichil.

–U meejen xulub máaka’ yaan ba’ax tu beetaj ma’ unajmali’
-tu ya’alaj Yuum Káandil ti’ u mejen áabil.

–Ba’ax k’a’abet k beetik nool –tu ya’alaj mejen paalal.
–Teche’ xPeet xeen a ch’a’ ja’ ti’al in beetik u yuk’bil ts’aak
–ku ya’alik nojoch máak ka’alikil tu jóok’sik xíiw ichil u sáa­
bukaan– teche’ jKalin péenen a t’ok u le’ béek ti’al k tep’ik u
wíinklal yéetel.
Le bix béeyajike’ t’o’oj ts’aak tu chi’ k’oja’an yéetel u le’ bée-
ke’ oop’chaj tu wíinklal jKaas, bey éemsabik u chokwilo’. Kex
beyo’ jKaase’ ma’ p’il u yichi’, ma’ suunaj tu yóoli’.
Nojoch máake’ tu séeb péeksajubáa tumeen jach oka’an tu
poole’ le máaka’ yaan ba’ax tu yóotaj u beet yéetel iik’o’ob. Tu
chupaj le mejen luucho’ob yéetel sakabo’ ka tu t’alkúunsaj.
Je’elo’ chéen ka léek u k’aay jmeen. Yéetel u muuk’ u t’aan yum
Káandil tu sutaj tu kúuchil Nukuch Iik’o’ob. Tu k’amaj u yo’och
Yumtsilo’ob, tu yu’ubajo’ob u t’an nojoch jmeen. jKaase’ tu
p’ilaj u yich.

281